Kurora mbi implante

Rreth trajtimit

Kurora mbi implant është pjesa e dukshme e dhëmbit të ri. Ajo punohet me porosi dhe fiksohet mbi implant, duke rikthyer pamjen dhe funksionin e dhëmbit që mungon.

Protetika mbi implante është një nga pikat tona më të forta. Falë ndërthurjes së përvojës mjekësore me punën në laborator, e ndjekim çdo kurorë nga masat deri te përshtatja përfundimtare, me vëmendje të veçantë për estetikën dhe kafshimin.

Përfitimet

• Pamje natyrale dhe ngjyrë e përputhur
• Përshtatje e saktë me kafshimin
• Materiale rezistente dhe jetëgjata
• Punim i personalizuar në laborator

Si zhvillohet trajtimi

1. Kontroll i implantit pas periudhës së shërimit.
2. Marrje e masave dhe zgjedhje e ngjyrës.
3. Realizim i kurorës në laborator.
4. Provë, përshtatje e kafshimit dhe fiksim i kurorës mbi implant.

Sa zgjat

Pasi implanti është integruar me kockën, kurora realizohet zakonisht në 2–3 seanca brenda 1–2 javësh.

Për kë është i përshtatshëm

Për pacientët që kanë një implant të integruar dhe kanë nevojë për dhëmbin përfundimtar, si dhe për ata që duhet të zëvendësojnë një kurorë të vjetër ose të dëmtuar mbi implant.

Pyetje të shpeshta

Si fiksohet kurora mbi implant?

Kurora mund të fiksohet me vidë ose me çimento. Mënyra zgjidhet sipas pozicionit të implantit dhe kërkesave estetike.

Si kujdesem për kurorën mbi implant?

Njësoj si për një dhëmb natyral: larje dy herë në ditë, pastrim mes dhëmbëve dhe kontrolle të rregullta. Mishi rreth implantit duhet mbajtur i shëndetshëm.

A mund të dallohet nga dhëmbët e tjerë?

Kurora punohet sipas ngjyrës dhe formës së dhëmbëve tuaj, me synimin që të përshtatet natyrshëm me ta.